محمد اسحاق ڈار نے آج مصر کے وزیر خارجہ بدر عبدالعاطی سے ٹیلیفونک رابطہ کیا۔
اس موقع پر اسحاق ڈار نے مصری وزیر خارجہ کو حالیہ کابینہ رد وبدل کے بعد اپنے عہدے پر برقرار رہنے پر مبارکباد دی اور ان کی مزید کامیابیوں کے لیے نیک خواہشات کا اظہار کیا۔
دونوں رہنماؤں نے پاکستان اور مصر کے درمیان دوطرفہ تعلقات پر تبادلہ خیال کیا اور باہمی دلچسپی کے علاقائی و بین الاقوامی امور پر بھی گفتگو کی۔
دفتر خارجہ کے مطابق گفتگو میں باہمی تعاون کو مزید فروغ دینے کے عزم کا اعادہ کیا گیا۔