بھارتی ریاست اتر پردیش کے شہر علی گڑھ سے تعلق رکھنے والے ایک کمسن بچے کی پہلی سالگرہ پر ایسے تحائف ملے کہ وہ لمحے بھر میں لکھپتی بن گیا۔
سوشل میڈیا پر وائرل ہونے والی ویڈیو میں دیکھا جا سکتا ہے کہ بچے کو پہلی سالگرہ پر ہائی وے پر واقع پلاٹ، 11 لاکھ روپے نقد، اور سونے و چاندی کے قیمتی تحائف دیے گئے۔
بچے کی سالگرہ کی خوشیوں میں والدہ بھی شامل رہی، جنہیں 35 گرام سونے کا ہار اور دیگر زیورات پیش کیے گئے۔ علاوہ ازیں، بچے کے اہلِ خانہ نے رشتے داروں میں 101 ساڑھیاں اور 101 ملبوسات تقسیم کیے۔
یہ ویڈیو سوشل میڈیا پر تیزی سے وائرل ہوئی اور ڈیڑھ لاکھ سے زائد ویوز حاصل کر چکی ہے، جس میں تحائف کا یہ ذخیرہ عام سالگرہ کی تقریبات کے تصور کو نئی تعریف دیتا ہے۔