اسٹیٹ بینک آف پاکستان نے ملک میں موجود سونے کے ذخائر کی مالیت سے متعلق تازہ اعداد و شمار جاری کر دیے ہیں جن کے مطابق سونے کے ذخائر کی مجموعی مالیت 10.374 ارب ڈالر تک پہنچ گئی ہے۔
مرکزی بینک کے مطابق ملک کے پاس 64.76 ٹن سونا موجود ہے۔ جنوری 2026 کے دوران ملکی سونے کے ذخائر کی مالیت میں 1.279 ارب ڈالر کا اضافہ ہوا جبکہ رواں مالی سال کے ابتدائی سات ماہ میں مجموعی طور پر 3.5 ارب ڈالر کا اضافہ ریکارڈ کیا گیا۔
اعداد و شمار کے مطابق جون 2025 میں ملکی سونے کے ذخائر کی مالیت 6.84 ارب ڈالر تھی جس کے بعد عالمی منڈی میں سونے کی قیمتوں میں اضافے سے ذخائر کی مجموعی مالیت میں نمایاں بہتری آئی ہے۔
مرکزی بینک کی رپورٹ کے مطابق ملک میں سونے کے ذخائر کی مقدار 20 لاکھ 82 ہزار اونس یا تقریباً 55 لاکھ 52 ہزار تولے بنتی ہے جو ملکی زرمبادلہ کے ذخائر کا اہم حصہ تصور کیے جاتے ہیں۔