رواں سال کا پہلا سورج گرہن آج ہوگا۔ محکمہ موسمیات کے مطابق یہ گرہن افریقا اور جنوبی امریکا کے چند حصوں میں دیکھا جا سکے گا تاہم پاکستان میں سورج گرہن کا نظارہ ممکن نہیں ہوگا۔
محکمہ موسمیات کا کہنا ہے کہ بحراوقیانوس، بحرالکاہل اور بحرِ ہند کے بعض علاقوں میں بھی جزوی سورج گرہن دیکھا جائے گا جبکہ ’’رنگ آف فائر‘‘ کا منظر صرف انٹارکٹیکا میں نظر آئے گا۔
اعلامیے کے مطابق سورج گرہن کا آغاز پاکستانی وقت کے مطابق دوپہر 2 بج کر 56 منٹ پر ہوگا جبکہ شام 5 بج کر 12 منٹ پر گرہن اپنے عروج پر پہنچے گا۔ گرہن کا اختتام شام 7 بج کر 28 منٹ پر ہوگا۔
محکمہ موسمیات نے مزید بتایا کہ رواں برس مجموعی طور پر دو سورج گرہن اور دو چاند گرہن متوقع ہیں۔