وفاقی حکومت نے رمضان المبارک کے دوران وفاقی اداروں کے اوقات کار کا نوٹیفیکیشن جاری کردیا ہے۔
نوٹیفیکیشن کے مطابق پانچ دن ہفتے میں کام کرنے والے وفاقی ادارے سوموار تا جمعرات صبح 9 بجے سے سہ پہر 3 بجے تک کام کریں گے۔
ہفتے میں چھ دن کام کرنے والے وفاقی ادارے سوموار تا جمعرات صبح 9 بجے سے دوپہر 2 بجے تک کام کریں گے۔
وفاقی ادارے جمعہ کو صبح 9 بجے سے دوپہر ساڑھے 12 بجے تک کام کریں گے۔
وفاقی حکومت کا کہنا ہے کہ یہ اوقات کار رمضان المبارک کے دوران عوام اور عملے کی سہولت کے پیش نظر مختص کیے گئے ہیں۔