حکومت سندھ نے ڈرائیونگ لائسنس کے حصول کے لیے پری لائسنس ڈرائیونگ ٹریننگ کو لازمی قرار دے دیا ہے۔ یہ فیصلہ وزیراعلیٰ سندھ کی زیر صدارت پبلک پرائیویٹ پارٹنرشپ پالیسی بورڈ کے 50ویں اجلاس میں کیا گیا۔
اجلاس میں سندھ بھر میں ایچ ٹی وی اور ایل ٹی وی ڈرائیور ٹریننگ اسکول قائم کرنے کی منظوری دی گئی اور واضح کیا گیا کہ بغیر تربیت کے کسی ڈرائیور کو لائسنس جاری نہیں کیا جائے گا۔ بورڈ نے پانچ سال کے دوران ایک لاکھ ڈرائیورز کو تربیت دینے اور لائسنس جاری کرنے کا ہدف مقرر کیا۔
اجلاس میں ماحولیاتی سیاحت اور جنگلات کے تحفظ کے منصوبوں کو بھی منظوری دی گئی۔ وزیر اعلیٰ سندھ مراد علی شاہ نے کہا کہ نوجوانوں کو عالمی معیار کی تربیت فراہم کرکے بیرون ملک روزگار کے مواقع فراہم کیے جائیں گے۔