کراچی کے علاقے گلشنِ معمار میں افسوسناک واقعہ پیش آیا جہاں گھر کے پانی کے ٹینک میں گر کر دو کمسن بچے جاں بحق ہو گئے۔
پولیس کے مطابق واقعے کے وقت بچے گھر میں اکیلے موجود تھے اور بظاہر کھیل کود کے دوران یہ افسوسناک حادثہ پیش آیا۔
اہلِ خانہ کے مطابق جب بچوں کا کچھ دیر تک پتہ نہ چلا تو انہیں تشویش لاحق ہوئی اور تلاش شروع کی گئی۔ تلاش کے دوران دونوں بچوں کی لاشیں گھر کے پانی کے ٹینک سے برآمد ہوئیں جس پر کہرام مچ گیا۔
پولیس کا کہنا ہے کہ واقعے سے متعلق مزید تحقیقات جاری ہیں جبکہ لاشوں کو قانونی کارروائی کے لیے اسپتال منتقل کر دیا گیا ہے۔