امریکی میڈیا نے دعویٰ کیا ہے کہ امریکی فوج رواں ہفتے کے آخر تک ایران پر حملہ کرنے کی تیاری کر رہی ہے تاہم صدر ڈونلڈ ٹرمپ نے ابھی تک اس بارے میں کوئی حتمی فیصلہ نہیں کیا۔
میڈیا کے مطابق امریکی حکام مختلف عسکری اور سیاسی پہلوؤں کا جائزہ لے رہے ہیں اور کارروائی پر غور و فکر میں کافی وقت صرف ہو رہا ہے۔ فوجی اہلکار اپنی تیاریاں مکمل کر چکے ہیں اور خطے میں کسی بھی ہنگامی کارروائی کے لیے الرٹ ہیں۔
ایران پر ممکنہ حملے کے خدشے کے پیش نظر اسرائیل میں سیکیورٹی ہائی الرٹ جاری کر دیا گیا ہے جبکہ شہریوں کو بنکرز اور محفوظ مقامات کے قریب رہنے کی ہدایات دی گئی ہیں۔ اسرائیلی حکام نے خدشہ ظاہر کیا ہے کہ امریکی حملے کے جواب میں ایران ممکنہ طور پر اسرائیل پر میزائل حملہ کر سکتا ہے۔