جاپان کے اچیکاوا سٹی زُو میں چھ ماہ کے بندر کے بچے پنچ کی ایک ویڈیو سوشل میڈیا پر وائرل ہو گئی ہے جس میں وہ اپنی ماں کے بغیر آرام کے لیے کھلونے سے لپٹ رہا ہے۔
پنچ کو پیدائش کے کچھ عرصہ بعد ہی اس کی ماں نے چھوڑ دیا تھا۔ ویڈیو میں دیکھا جا سکتا ہے کہ ننھا بندر کھلونے کی گود میں بیٹھ کر اپنا چہرہ چھپا لیتا ہے اور کھلونا لے کر انکلوژر میں گھومتا رہتا ہے۔
ایک اور کلپ میں پنچ کو اس کی دیکھ بھال کرنے والے اہلکار کی گود میں چڑھتے بھی دکھایا گیا جس نے دیکھنے والوں کے دل پگھلا دیے۔ پنچ گزشتہ برس جولائی میں پیدا ہوا تھا اور تب سے اس کی دیکھ بھال اہلکار کر رہے ہیں۔