سابق وزیراعلیٰ علی امین گنڈاپور اور شریک ملزم اسد فاروق پر آڈیو لیک کیس میں فرد جرم عائد کر دی گئی ہے۔
اسلام آباد کی ڈسٹرکٹ اینڈ سیشن کورٹ میں سماعت کے دوران علی امین گنڈاپور عدالت میں پیش ہوئے، جس کے بعد ان کے وارنٹ گرفتاری معطل کر دیے گئے اور اشتہاری کی کارروائی ختم کر دی گئی۔
علی امین گنڈاپور نے عدالت کو بتایا کہ سیکیورٹی صورتحال کی وجہ سے وہ پیش نہیں ہو سکے، تاہم عدالت نے ان کے پیش ہونے کے بعد مقدمے کی کارروائی جاری رکھی۔
عدالت کی جانب سے فرد جرم عائد ہونے کے بعد کیس میں مزید قانونی کارروائی کی تاریخ مقرر کی جائے گی۔