اسلام آباد ہائیکورٹ کے جسٹس محسن اختر کیانی نے شوہر کی جانب سے دائر اپیل کی سماعت کے دوران ریمارکس دیتے ہوئے کہا ہے کہ بیوی کو دیا گیا تحفہ واپس نہیں لیا جا سکتا۔
اسلام آباد ہائیکورٹ میں شہری محمد شعبان کی درخواست پر سماعت جسٹس محسن اختر کیانی نے کی۔ سماعت کے دوران عدالت نے واضح کیا کہ بیوی کو دیا گیا تحفہ واپس لینے کی کوئی روایت موجود نہیں ہے۔
جسٹس محسن اختر کیانی نے اپنے ریمارکس میں کہا کہ دیا ہوا تحفہ واپس لینا مناسب عمل نہیں، یہ ایسا ہی ہے جیسے تھوک کر چاٹنا، اور اسلام بھی اس کی اجازت نہیں دیتا۔
بعد ازاں عدالت نے شوہر کی اپیل پر فیصلہ محفوظ کرلیا، جو بعد میں سنایا جائے گا۔