ایران نے پاکستان اور افغانستان کے درمیان حالیہ کشیدگی کو کم کرنے کے لیے مذاکرات میں سہولتکاری کی پیشکش کر دی ہے۔ ایرانی وزیر خارجہ عباس عراقچی نے کہا کہ مناسب ہے کہ اختلافات کو بات چیت اور حسنِ ہمسائیگی کے ذریعے حل کیا جائے، اور ایران ہر ممکن مدد فراہم کرنے کے لیے تیار ہے۔
دوسری جانب روسی وزیر خارجہ سرگئی لاوروف نے بھی پاکستان اور افغانستان سے فوری طور پر ایک دوسرے کے خلاف حملے روکنے کا مطالبہ کیا اور کہا کہ اختلافات کو بات چیت سے حل کرنے کے لیے ثالثی پر غور کیا جا سکتا ہے۔
افغان طالبان کی جانب سے پاکستانی علاقوں میں دراندازی کی کوششوں کے جواب میں پاکستان کی مسلح افواج نے بھرپور کارروائی کرتے ہوئے 27 چیک پوسٹیں تباہ کیں، 9 چوکیوں پر قبضہ کیا، اور 133 سے زائد طالبان ہلاک ہوئے جبکہ بعض پوسٹوں پر طالبان نے سفید جھنڈے بھی لہرا دیے۔