برطانیہ میں بانی پی ٹی آئی عمران خان کی سابق اہلیہ جمائمہ پر تیز رفتاری کے الزام میں ایک ہزار پاؤنڈ جرمانہ عائد کر دیا گیا۔
میڈیا رپورٹس کے مطابق جمائمہ کی ملکیت میں رجسٹرڈ گاڑی حد رفتار سے تجاوز کرتے ہوئے چلائی گئی تھی، تاہم انہوں نے پولیس کی جانب سے بھیجے گئے خط کا بروقت جواب نہیں دیا۔
جمائمہ کا مؤقف ہے کہ ان کے گھر میں تزئین و آرائش کا کام جاری تھا اور پولیس کا خط بلڈر کے سامان میں گم ہو گیا تھا جس کے باعث انہیں اکتوبر تک اس نوٹس کا علم نہیں ہو سکا۔ ان کا کہنا ہے کہ جیسے ہی خط موصول ہوا انہوں نے فوری طور پر فارم مکمل کر کے جمع کرا دیا۔
انہوں نے مزید کہا کہ متعلقہ وقت میں گاڑی بلڈر چلا رہا تھا تاہم ذمہ داری ان پر عائد کر دی گئی۔ میڈیا رپورٹ کے مطابق جمائمہ نے غلطی تسلیم کرتے ہوئے کہا کہ ان پر جرمانہ عائد ہونا چاہیے۔