برطانیہ میں مقیم یوٹیوبر اور سابق فوجی افسر عادل راجہ کو برطانوی عدالت سے بڑا جھٹکا لگا ہے، جہاں ان کی اپیل مسترد کردی گئی۔
عدالت نے سماعت کے دوران عادل راجہ سے اپنے الزامات کے حق میں ٹھوس شواہد طلب کیے، تاہم وہ تسلی بخش ثبوت پیش نہ کرسکے۔ جج نے ریمارکس دیتے ہوئے ان کے دعوؤں کو بدنیتی پر مبنی اور بے بنیاد قرار دیا۔
عدالتی فیصلے کے مطابق عادل راجہ پر 3 لاکھ 50 ہزار پاؤنڈ (تقریباً 12 کروڑ پاکستانی روپے) کا جرمانہ بھی عائد کیا گیا ہے۔
رپورٹ کے مطابق اس فیصلے کے بعد ان کے لیے مزید اپیل کے امکانات نہایت محدود رہ گئے ہیں اور قانونی راستے تقریباً بند ہوچکے ہیں۔