امریکی صدر نے ایران پر حملے جاری رکھنے کا اعلان کرتے ہوئے کہا ہے کہ ایرانی قیادت کو تیزی سے ختم کیا جا رہا ہے اور ایران میں جو لیڈر بننا چاہتا ہے، مارا جاتا ہے۔
ڈونلڈ ٹرمپ نے راؤنڈ ٹیبل کانفرنس سے خطاب میں کہا کہ امریکا ایران کے معاملے میں مضبوط پوزیشن میں ہے اور ایران کے میزائلوں اور لانچروں کا صفایا کیا جا رہا ہے۔ ان کے مطابق جنگی محاذ پر امریکی کارکردگی توقع سے بہتر ہے۔
صدر ٹرمپ نے مزید کہا کہ اگر امریکا ایران پر حملہ نہ کرتا تو ایران امریکا پر حملہ کرتا، اور ایران پر قبل از وقت کارروائی کی گئی تاکہ ایران کے پاس ایٹمی ہتھیار نہ آ سکیں۔
انہوں نے ایران پر تنقید کرتے ہوئے کہا کہ ایران اپنے پڑوسیوں اور اتحادیوں کو نشانہ بنا رہا ہے۔ ہم نے ایران میں 47 سال سے جاری قتل عام کو روکا۔