ایران کی سپریم نیشنل سیکیورٹی کونسل کے سیکریٹری علی لاریجانی نے دعویٰ کیا ہے کہ ایران نے چند امریکی فوجیوں کو قیدی بنا لیا ہے۔
اپنے بیان میں علی لاریجانی کا کہنا تھا کہ اگر خطے میں موجود امریکی فوجی اڈوں سے ایران پر حملے کیے گئے تو انہیں مسلسل نشانہ بنایا جائے گا۔ انہوں نے واضح کیا کہ ایران کا ہدف خطے کے ممالک نہیں بلکہ صرف امریکی فوجی اڈے ہیں۔
انہوں نے کہا کہ دشمن کو جواب دینا ایران کا حق اور اس کی مستقل پالیسی ہے، جبکہ خطے کے ممالک کو چاہیے کہ وہ اپنی سرزمین ایران کے خلاف استعمال ہونے سے روکیں۔
ایرانی رہنما کے مطابق امریکی صدر ڈونلڈ ٹرمپ اپنے مقاصد حاصل کرنے میں ناکام رہے اور امریکا کو اپنی کارروائیوں کی قیمت چکانا ہوگی۔
علی لاریجانی نے مزید کہا کہ ایران نے آبنائے ہرمز کو بند نہیں کیا، تاہم جنگی صورتحال کی وجہ سے اس کی سرگرمیاں متاثر ہوئی ہیں۔
انہوں نے یہ بھی دعویٰ کیا کہ ایران نے چند امریکی فوجیوں کو قیدی بنا لیا ہے، تاہم اس حوالے سے مزید تفصیلات سامنے نہیں آئیں۔