چین نے ایران پر حالیہ حملوں کی شدید مخالفت کرتے ہوئے کہا ہے کہ تنازعات کا حل طاقت کے استعمال سے نہیں نکلتا۔
چین کے وزیر خارجہ وانگ ای نے کہا کہ یہ جنگ ہونی ہی نہیں چاہیے تھی اور حکومت کی تبدیلی کے منصوبے کو عوامی مقبولیت حاصل نہیں ہوئی۔ انہوں نے ایران اور خلیجی ممالک کی سلامتی اور خودمختاری کے احترام پر زور دیا۔
وزیر خارجہ نے بڑے ممالک پر بھی زور دیا کہ وہ تعمیری کردار ادا کریں اور جنگ کو مزید پھیلنے سے روکیں۔
چین نے بین الاقوامی برادری سے اپیل کی کہ کشیدگی کم کی جائے اور خطے میں امن قائم رکھنے کے اقدامات کیے جائیں۔