پاکستان کے سابق فاسٹ بالر محمد عامر اور دیگر سابق کھلاڑیوں کو آئی سی سی ورلڈ ٹی ٹوئنٹی ورلڈ کپ سے متعلق اپنی پیش گوئیوں کی وجہ سے منہ کی کھانی پڑی ہے۔
ان سابق کھلاڑیوں میں محمد عامر کو سب سے زیادہ شرمندگی کا سامنا کرنا پڑا کیونکہ ان کی پیش گوئیاں مسلسل غلط ثابت ہوئیں، فاسٹ بالر نے ایک نجی ٹی وی چینل پر بیٹھ کر پہلے بھارت کے اوپنر ابھیشک شرما کو ایک سلوگر کہا تھا اور ابھیشک نے فائنل میں نیو سینچری مار دیا۔
عامر نے یہ بھی پیش گوئی کی تھی کہ بھارت سیمی فائنل میں نہیں پہنچے گا اور اس کے بعد کہا کہ بھارت سیمی فائنل نہیں جیتے گا اور پھر کہا کہ بھارت فائنل نہیں جیت پائے گا اور تینوں ہی باتیں غلط ثابت ہوئیں۔
اتوار کے روز فائنل کے بعد جب ان سے ان کی پیش گوئیوں کے بارے میں پوچھا گیا تو وہ واضح طور پر چڑ چڑے نظر آئے اور کہا کہ بھارت نے ورلڈ کپ ٹرافی میرے گھر تھوڑی لے کے جانی ہے، جیت گئے تو جیت گئے۔
اسی طرح ایک اور سابق کھلاڑی کامران اکمل نے پیش گوئی کی تھی کہ نیوزی لینڈ فائنل جیتے گا، ان سابق کھلاڑیوں کی غلط پیش گوئیوں کو لے کر سوشل میڈیا پر ان کا کافی مذاق اڑایا گیا ہے اور کرکٹ کے بارے میں ان کی صحیح تجزیہ کرنے کی صلاحیت پر بھی سوالات اٹھائے گئے ہیں۔