ایران نے اسرائیل کے اہم ترین ہوائی اڈے بن گورین ایئرپورٹ پر میزائل حملے کیے جس کے نتیجے میں ایئرپورٹ کی تنصیبات کو نقصان پہنچنے کی اطلاعات سامنے آئی ہیں۔
غیر ملکی میڈیا رپورٹس کے مطابق ایران کی جانب سے داغے گئے متعدد میزائل اسرائیلی دفاعی نظام کو چکمہ دیتے ہوئے ایئرپورٹ کے قریب گرے جس کے باعث ہوائی اڈے کے مختلف حصوں کو نقصان پہنچا۔
دوسری جانب لبنان سے کیے گئے ایک میزائل حملے میں اسرائیلی فوج کا کمیونیکیشن سسٹم تباہ ہونے کی اطلاعات بھی سامنے آئی ہیں جبکہ اس حملے میں دو اسرائیلی اہلکار زخمی ہوئے۔
اس صورتحال پر ردعمل دیتے ہوئے اسرائیلی وزیر خارجہ گیدیون ساعر نے کہا ہے کہ ایران کے ساتھ جاری جنگ اس وقت ختم ہوگی جب اسرائیل اور امریکا اسے مناسب سمجھیں گے۔ان کا کہنا تھا کہ اسرائیل ایران کے ساتھ لامحدود جنگ نہیں چاہتا، تاہم دونوں ممالک مل کر آئندہ کے لائحہ عمل کا فیصلہ کریں گے۔