ایران نے دعویٰ کیا ہے کہ اس نے امریکی طیارہ بردار جنگی جہاز ابراہم لنکن کو میزائلوں اور ڈرون حملوں سے نشانہ بنایا ہے۔
میڈیا رپورٹس کے مطابق ایران کی فوجی تنظیم پاسداران انقلاب نے کہا کہ یہ کارروائی اسرائیل اور امریکا کے حالیہ حملوں کے جواب میں کی گئی۔ بعض رپورٹس میں بتایا گیا ہے کہ ایران کی جانب سے چار بیلسٹک میزائل فائر کیے گئے۔
تاہم امریکی حکام نے اس دعوے کی تردید کی ہے اور کہا ہے کہ امریکی کیریئر کو کوئی نقصان نہیں پہنچا، میزائل جہاز کے قریب بھی نہیں پہنچے اور ابراہم لنکن معمول کے مطابق اپنی فوجی کارروائیاں جاری رکھے ہوئے ہے۔