عالمی منڈی میں خام تیل کی قیمتیں ایک بار پھر بلند سطح پر پہنچ گئیں، جبکہ انٹرنیشنل انرجی ایجنسی کی جانب سے 400 ملین بیرل تیل جاری کرنے کے اعلان کے باوجود قیمتیں نیچے نہ آ سکیں۔
رپورٹس کے مطابق برطانوی خام تیل کی قیمت میں 9.29 ڈالر کا اضافہ ریکارڈ کیا گیا، جس کے بعد یہ 101.3 ڈالر فی بیرل ہو گئی۔ امریکی خام تیل کی قیمت بھی 9.02 ڈالر بڑھ کر 96.27 ڈالر فی بیرل پہنچ گئی۔
انٹرنیشنل انرجی ایجنسی نے کہا ہے کہ امریکا، اسرائیل اور ایران کے درمیان جاری کشیدگی عالمی تیل کی منڈی میں بڑی سپلائی رکاوٹ پیدا کر رہی ہے جس کی وجہ سے قیمتوں میں اضافہ ریکارڈ کیا گیا۔
واضح رہے کہ ایران جنگ کے باعث تیل کی قیمتیں پہلے ہی بلند ہو چکی ہیں اور عالمی توانائی ایجنسی کے اضافی ذخائر جاری کرنے کے اعلان کے باوجود مارکیٹ میں استحکام نہیں آ سکا۔ یہ صورتحال عالمی توانائی مارکیٹ کے لیے خطرے کی گھنٹی ثابت ہو رہی ہے۔