بلوچستان کے حکام کے مطابق ہزاروں پاکستانی شہری ایران سے واپس وطن پہنچ چکے ہیں، جنہوں نے گوادر اور چاغی کے راستے سرحد عبور کی۔
وزیراعلیٰ بلوچستان سرفراز بگٹی نے ایک پیغام میں بتایا کہ 28 فروری سے لے کر گزشتہ شب تک 5,615 پاکستانی شہری پاکستان میں داخل ہوئے۔ ان کے بقول اسی دوران 2,117 ایرانی ڈرائیورز اور 431 دیگر غیر ملکی بھی ایران سے پاکستان آئے۔
وزیر اعلیٰ بگٹی نے کہا کہ ضلعی حکام نے مسافروں کے لیے مناسب انتظامات کیے اور بلوچستان حکومت سرحدی گزرگاہوں پر حفاظت، سہولت اور خدمات کی فراہمی کے لیے پرعزم ہے۔