سیکیورٹی ذرائع کے مطابق پاکستان کی مسلح افواج کی جانب سے شدت پسند گروہوں کے خلاف ’’آپریشن غضب للحق‘‘ کے تحت کارروائیاں جاری ہیں۔
ذرائع کا کہنا ہے کہ شمالی وزیرستان میں پاک-افغان سرحد پر دراندازی کی ایک بڑی کوشش بروقت کارروائی کرتے ہوئے ناکام بنادی گئی۔ آپریشن کے دوران مبینہ طور پر افغان طالبان سے تعلق رکھنے والے کئی جنگجو ہلاک ہوگئے جبکہ دیگر اپنے ٹھکانے چھوڑ کر فرار ہوگئے۔
سیکیورٹی حکام کے مطابق شدت پسندوں کے زیراستعمال کمپاؤنڈز اور ٹھکانوں کو بھی نشانہ بنا کر تباہ کردیا گیا ہے۔
تاہم ان دعوؤں کی فوری طور پر آزاد ذرائع سے تصدیق نہیں ہوسکی۔ حکام کا کہنا ہے کہ صورتحال سے متعلق مزید تفصیلات بعد میں جاری کی جائیں گی۔