پاکستان نے بھارتی طیاروں کے لیے اپنی فضائی حدود کی بندش میں توسیع کردی ہے۔
پاکستان ایئرپورٹس اتھارٹی (پی اے اے) کی جانب سے جاری نوٹم کے مطابق یہ پابندی اب 24 اپریل 2026 تک برقرار رہے گی۔
نوٹم میں کہا گیا ہے کہ پاکستانی فضائی حدود بھارتی رجسٹرڈ تمام طیاروں کے لیے بدستور بند رہے گی۔ اس کے علاوہ بھارتی ایئرلائنز یا آپریٹرز کے زیرِ استعمال کسی بھی طیارے کو پاکستانی فضائی حدود استعمال کرنے کی اجازت نہیں ہوگی۔
اعلامیے کے مطابق یہ پابندی بھارتی فوجی پروازوں پر بھی لاگو ہوگی، جبکہ اس دوران کسی قسم کی استثنیٰ نہیں دیا جائے گا۔
حکام کا کہنا ہے کہ یہ فیصلہ موجودہ حالات کے پیش نظر کیا گیا ہے اور اس کا اطلاق فوری طور پر ہو چکا ہے۔