وزیراعظم شہباز شریف کا ترکیے کے صدر رجب طیب اردوان سے ٹیلیفونک رابطہ ہوا جس میں وزیراعظم اور ترک صدر کے درمیان عید کی مبارکباد کا تبادلہ ہوا۔
اعلامیے کے مطابق دونوں رہنماؤں نے امتِ مسلمہ کے لیے امن، اتحاد اور خوشحالی کی دعا بھی کی۔ وزیراعظم نے خطے میں کشیدگی بالخصوص ترکیے پر میزائل حملوں کی مذمت کا اعادہ کیا۔
وزیر اعظم شہباز شریف نے کہا کہ پاکستانی قوم ان مشکل حالات میں ترک بھائیوں اور بہنوں کے ساتھ کھڑی ہے۔ اعلامیے کے مطابق دونوں رہنماؤں نے اتفاق کیا کہ کشیدگی کا حل مذاکرات اور سفارتکاری کے ذریعے ہی ممکن ہے۔
وزیراعظم نے خطے میں کشیدگی بالخصوص ترکیے پر میزائل حملوں کی مذمت کا اعادہ کیا۔ اس کے علاوہ دونوں رہنماؤں نے افغانستان کی صورتحال پر بھی تبادلہ خیال کیا۔ وزیراعظم نے پاک افغان عارضی جنگ بندی سے متعلق ترکیے کے کردار کا اعتراف کیا۔
دونوں رہنماؤں نے باہمی مفاد اور علاقائی تعاون کے لیے قریبی رابطہ برقرار رکھنے پر اتفاق کیا۔