عید کے پہلے روز صبح سویرے کراچی کے مختلف علاقوں میں گرج چمک کے ساتھ موسلا دھار بارش نے جل تھل ایک کردیا۔
موسلا دھار بارش کی وجہ سے عید اجتماعات کھلے مقامات اور عیدگاہوں کی بجائے علاقائی مساجد میں ہوئے۔
محکمہ موسمیات کے مطابق مغربی ہواؤں کا ایک سلسلہ شہر پر اثر انداز ہے، شہر کے مختلف علاقوں میں صبح سویرے کہیں ہلکی بوندا باندی اور کہیں تیز بارش ریکارڈ کی گئی۔
محکمہ موسمیات نے آج شہر میں گرج چمک کے ساتھ مزید بارش کی توقع ظاہر کی ہے۔
آج صبح ہونے والی بارش کے نتیجے میں کسی بھی قسم کے نقصان کی اطلاع موصول نہیں ہوئی ہے۔