صدرِ مملکت آصف علی زرداری سے وفاقی وزیرِ داخلہ محسن نقوی نے ملاقات کی، جس میں وفاقی وزیرِ خزانہ محمد اورنگزیب اور وفاقی وزیرِ پٹرولیم علی پرویز ملک بھی شریک تھے۔
ملاقات کے دوران ملک کی مجموعی معاشی صورتحال، توانائی کے شعبے میں درپیش چیلنجز اور پٹرولیم مصنوعات کی قیمتوں سے متعلق امور پر تفصیلی تبادلہ خیال کیا گیا۔
ذرائع کے مطابق اجلاس میں عوام کو ریلیف فراہم کرنے اور معیشت کو مستحکم بنانے کے لیے مختلف تجاویز پر بھی غور کیا گیا، جبکہ توانائی کے شعبے میں بہتری اور پٹرولیم قیمتوں کے تعین کے حوالے سے اہم امور زیر بحث آئے۔
ملاقات میں باہمی مشاورت کے عمل کو جاری رکھنے اور قومی مفاد میں مؤثر فیصلے کرنے کے عزم کا اعادہ کیا گیا۔