کراچی کے علاقے گلشن حدید میں گذشتہ روز پانی کی لائن میں ڈوبنے والی لڑکی کی لاش مل گئی۔
ریسکیو حکام کا کہنا ہے کہ لڑکی کی تلاش کے لیے 45 گھنٹے تک آپریشن کیا گیا ہے، تاہم پانی کے تیز بہاؤ کی وجہ سے سرچ آپریشن میں دشواری کا سامنا کرنا پڑا۔
واضح رہے کہ گلشن حدید کے قریب واقع 72 انچ کی پانی کی لائن کے کھلے حصے سے پانی بھرنے کے لیے آنے والی 14سالہ ثناء پاؤں پھسلنے کے باعث لائن میں گر کر بہہ گئی تھی۔
پولیس کے مطابق ڈوبنے والی بچی قریب ہی واقع گوٹھ کی رہائشی ہے، مذکورہ مقام پر پانی کی لائن کا کچھ حصہ کھلا ہے جس سے گوٹھ کے لوگ پانی بھرتے ہیں۔