کراچی کے شہریوں کے لیے 12 ارب روپے سے تعمیر ہونے والا حب کینال منصوبہ ناکامی کے بعد بند کر دیا گیا ہے۔
واٹر کارپوریشن ذرائع کے مطابق خراب الائنمنٹ کی وجہ سے نئی کینال سے صرف 30 سے 40 ایم جی ڈی پانی فراہم کیا جا رہا تھا۔ اس صورتحال کے پیش نظر پرانی حب کینال کو ایک بار پھر بحال کر دیا گیا ہے جس سے 80 ایم جی ڈی پانی فراہم کیا جا رہا ہے۔
13 اگست 2025 کو افتتاح کیے جانے والے اس منصوبے کے تحت زیرو پوائنٹ سے حب پمپنگ اسٹیشن تک 22 کلومیٹر طویل کینال تعمیر کی گئی تھی، تاہم یہ گزشتہ 7 ماہ سے مطلوبہ مقدار میں پانی فراہم کرنے میں ناکام رہی۔
دوسری جانب واپڈا کی حب ڈیم سے نکلنے والی کینال بھی حب کینال کو 80 ایم جی ڈی سے زیادہ پانی فراہم کرنے سے قاصر ہے۔