پاکستان سپر لیگ 11 میں گیند سے چھیڑ چھاڑ کے واقعے پر لاہور قلندرز کے فخر زمان کو پاکستان کرکٹ بورڈ (پی سی بی) نے دو میچز کے لیے معطل کر دیا ہے۔
پی سی بی کے مطابق فخر زمان کوڈ آف کنڈکٹ کی لیول تھری کی خلاف ورزی کے مرتکب قرار پائے ہیں، اور بال ٹیمپرنگ سے متعلق آرٹیکل کی خلاف ورزی پر یہ پابندی عائد کی گئی ہے۔
یاد رہے کہ بال ٹیمپرنگ کا معاملہ لاہور قلندرز اور کراچی کنگز کے میچ کے دوران رپورٹ ہوا تھا، جس کے بعد میچ ریفری روشن ماہانما نے سماعت کے بعد یہ فیصلہ سنایا۔
ایچ بی ایل پی ایس ایل 11 کے چھٹے میچ میں کراچی کنگز کی اننگز میں گیند کی حالت میں تبدیلی کے باعث لاہور قلندرز کو پانچ رنز کی پنالٹی کا سامنا کرنا پڑا اور اس میچ میں کراچی کنگز نے لاہور قلندرز کو 4 وکٹوں سے شکست دی تھی۔