ڈائریکٹر جنرل اسپورٹس پنجاب محمد طارق قریشی نے انسٹیٹیوٹ آف اسپورٹس سائنسز کے دورے کے موقع پر اسے باقاعدہ کھولنے کا اعلان کیا ہے۔
انسٹیٹیوٹ میں کلاسز کا آغاز پیر سے کر دیا جائے گا، جہاں پنجاب بھر کے ٹاپ ایتھلیٹس کو ماسٹر ٹرینرز کی جانب سے جدید تربیت فراہم کی جائے گی۔
اس موقع پر ڈی جی اسپورٹس پنجاب نے اسپورٹس میڈیکل سینٹر کو بھی دوبارہ فعال کرنے کا فیصلہ کیا ہے تاکہ کھلاڑیوں کو درپیش انجریز کے مسائل کو ختم کیا جا سکے۔
محمد طارق قریشی کا کہنا ہے کہ کھیلوں کی ترقی کے لیے کھلاڑیوں اور کوچز کی جدید خطوط پر تربیت ناگزیر ہے اور اس مقصد کے لیے ہر ممکن اقدامات اٹھائے جا رہے ہیں۔
اس دورے کے دوران ڈائریکٹر یوتھ افیئرز محمد فہد، ڈپٹی ڈائریکٹر ظہور احمد اور دیگر حکام بھی موجود تھے۔