ملتان مظفرگڑھ روڈ پر رکشہ میں گیس سلنڈر پھٹنے سے شدید دھماکا ہوا، جس کے نتیجے میں آگ لگ گئی۔ واقعے میں تین افراد جاں بحق جبکہ 14 زخمی ہوگئے۔
ریسکیو حکام کے مطابق حادثے کا شکار افراد کا تعلق ایک ہی خاندان سے تھا۔ زخمیوں کو فوری طور پر قریبی اسپتال منتقل کردیا گیا جہاں انہیں طبی امداد فراہم کی جا رہی ہے۔
پولیس اور ریسکیو ٹیمیں جائے حادثہ پر پہنچ گئی ہیں اور آگ پر قابو پا لیا گیا ہے۔ حادثے کی وجوہات معلوم کرنے کے لیے تحقیقات جاری ہیں۔