کراچی کے علاقے قائد آباد میں ڈی ایس پی آفس کی چھت کا کچھ حصہ اچانک گرگیا۔
پولیس حکام کے مطابق چھت کا پلستر گرنے کے اس واقعے میں خوش قسمتی سے کوئی جانی نقصان نہیں ہوا۔
پولیس حکام کا کہنا ہے کہ حالیہ بارشوں کی وجہ سے دفتر کی چھت خستہ حال ہوگئی تھی جس کے باعث پلستر جھڑ کر گر گیا۔
واقعے کے وقت ڈی ایس پی قائد آباد اپنے دفتر کے سائیڈ روم میں موجود تھے، جس کی وجہ سے وہ محفوظ رہے۔ اس واقعے کے بعد عمارت کی صورتحال کا جائزہ لیا جا رہا ہے۔