پاکستان نے ایران اور امریکا کے درمیان کشیدگی ختم کرنے کے لیے دو مرحلوں پر مبنی امن معاہدے کی تجویز پیش کی ہے جسے اسلام آباد ایکورڈ کا نام دیا گیا ہے۔
پاکستان کی جانب سے شیئر کیا گیا جنگ بندی فریم ورک 2 مراحل پر مشتمل ہے۔ذرائع کے مطابق پہلے مرحلے میں میں فوری جنگ بندی اور آبنائے ہرمز کو دوبارہ کھولنے کی بات شامل ہے تاکہ عالمی بحری راستے بحال ہو سکیں۔
دوسرے مرحلے میں 15 سے 20 روز کے دوران جنگ بندی کے لیے جامع فریم ورک تیار کیا جائے گاجس میں جامع امن معاہدہ اور ایران-امریکا کے درمیان جاری تنازع کے مکمل خاتمے کی کوشش شامل ہے۔
ممکنہ حتمی معاہدے کے تحت ایران اپنا نیوکلیئر پروگرام ترک کرے گا اس پر عائد تمام پابندیاں ختم ہوں گی، منجمد اثاثے بحال کیے جائیں گے اور ایران کو آزادانہ طور پر تیل فروخت کرنے کی اجازت ہوگی۔ اس کے ساتھ ہی ہرمز کے لیے وسیع فریم ورک بھی تیار کیا جائے گا۔