ایران اور عالمی سطح پر توانائی کی قیمتوں میں اضافہ اور کشیدگی کے باوجود پاکستان توانائی بحران سے محفوظ رہنے میں کامیاب رہا ہے جس کی بڑی وجہ شمسی توانائی کا بڑھتا ہوا استعمال ہے۔
امریکی نشریاتی ادارے سی این این کی رپورٹ کے مطابق پاکستان میں گزشتہ دو سے تین برسوں کے دوران بڑے پیمانے پر سولر پینلز کی تنصیب کے نتیجے میں تقریباً 25 فیصد بجلی شمسی توانائی سے حاصل کی جا رہی ہے۔
رپورٹ میں بتایا گیا ہے کہ ایران جنگ اور آبنائے ہرمز کے ذریعے توانائی سپلائی میں ممکنہ رکاوٹوں کے اثرات پاکستان پر انتہائی محدود رہے جس کی بنیادی وجہ متبادل توانائی ذرائع کا تیزی سے فروغ ہے۔
امریکی نشریاتی ادارے نے پاکستان میں شمسی توانائی کے پھیلاؤ کو ایک خاموش انقلاب قرار دیا اور کہا کہ قابلِ تجدید توانائی میں اضافے کے باعث پاکستان نے 2020 کے بعد 12 ارب ڈالر سے زائد کی بچت کی ہے۔