کراچی سے چلنے والی 27UP شالیمار ایکسپریس شہداد پور کے قریب کراس اوور پر ڈی ریل ہوگئی۔
رپورٹس کے مطابق، حادثے میں ٹرین کی چار کوچز پٹری سے اترگئی ہیں۔ اس کے نتیجے میں UP اور DN دونوں ٹریکس مکمل طور پر بلاک ہوگئے ہیں، جس کی وجہ سے ریلوے کی نقل و حمل شدید متاثر ہوگئی ہے۔
ریلوے حکام کا کہنا ہے کہ ریسکیو اور صفائی کے عملے کو فوری طور پر موقع پر پہنچا دیا گیا ہے اور صورتحال کا جائزہ لیا جا رہا ہے۔ مسافروں کی حفاظت کو یقینی بنانے کے لیے اقدامات کیے جا رہے ہیں۔