وزیر بلدیات سندھ سید ناصر حسین شاہ نے لیاری میں 25 ارب 28 کروڑ روپے کی لاگت سے "لیاری ٹرانسفارمیشن پروجیکٹ" کا باقاعدہ افتتاح کردیا ہے۔
چار سالہ مدت میں مکمل ہونے والے اس میگا منصوبے کے تحت علاقے میں سڑکوں کی تعمیر، پینے کے صاف پانی کی فراہمی، سیوریج سسٹم کی بہتری، برساتی نالوں کی صفائی اور بیوٹیفکیشن کے کام کیے جائیں گے۔
منصوبے کے پہلے فیز پر کام کا آغاز ہوچکا ہے جس کے تحت انفراسٹرکچر کی بحالی کے ساتھ ساتھ زیرِ زمین کیبلز کے نظام کو بھی بہتر بنایا جائے گا۔
تقریب سے خطاب کرتے ہوئے ناصر حسین شاہ نے کہا کہ اس منصوبے سے لیاری کے دیرینہ مسائل حل ہوں گے اور شہریوں کے معیارِ زندگی میں بہتری آئے گی، جبکہ انہوں نے حکام کو معیار پر سمجھوتہ کیے بغیر کام کی رفتار تیز رکھنے کی ہدایت بھی کی۔