اسلام آباد: انٹر سروسز پبلک ریلیشنز کے مطابق پاک بحریہ نے تیمور ایئر لانچڈ کروز میزائل کا کامیاب تجربہ کرلیا ہے۔
ترجمان پاک فوج کا کہنا ہے کہ میزائل کے ذریعے لائیو ویپن فائرنگ کا کامیاب مظاہرہ کیا گیا، جس میں اس کی عملی صلاحیتوں کو جانچا گیا۔
آئی ایس پی آر کے مطابق تیمور ایئر لانچڈ کروز میزائل ایک مقامی طور پر تیار کردہ اینٹی شپ سسٹم ہے، جو ہوا سے سمندر کی سطح پر اہداف کو نشانہ بنانے کی صلاحیت رکھتا ہے۔
جاری بیان میں کہا گیا کہ تجربے کے دوران میزائل نے اپنے ہدف کو انتہائی درستگی سے نشانہ بنایا، جبکہ اس موقع پر آپریشنل تیاری اور جنگی صلاحیتوں کا بھی کامیاب مظاہرہ کیا گیا۔