ضلع وہاڑی کے ایک نواحی گاؤں میں شادی کے پانچ سال بعد ایک ہی وقت میں تین بچوں کی پیدائش نے گھر میں خوشیوں کی لہر دوڑا دی۔
اہلخانہ کے مطابق محمد طارق اور ان کی اہلیہ اقراء بی بی کے ہاں بیک وقت دو بیٹوں اور ایک بیٹی کی ولادت ہوئی، جس پر خاندان میں مسرت کا ماحول ہے۔
بچوں کے والد محمد طارق کا کہنا ہے کہ طویل انتظار کے بعد اللہ تعالیٰ نے انہیں ایک ساتھ تین خوشیوں سے نوازا ہے، جس پر وہ بے حد شکر گزار ہیں۔
نجی اسپتال کے ڈاکٹرز کے مطابق تینوں نوزائیدہ بچے اور والدہ مکمل طور پر صحت مند ہیں، جبکہ اہل علاقہ بھی اس منفرد خوشی میں خاندان کو مبارکباد دے رہے ہیں۔