وزیراعظم شہباز شریف سے ایرانی سفیر رضا امیری مقدم نے ملاقات کی، جس میں خطے کی مجموعی صورتحال اور جاری امن کوششوں پر تبادلہ خیال کیا گیا۔
سرکاری حکام کے مطابق ملاقات میں علاقائی پیش رفت اور خطے میں استحکام و امن کے فروغ کیلیے سفارتی اقدامات پر تفصیلی گفتگو ہوئی۔
اس موقع پر نائب وزیرِ اعظم و وزیرِ خارجہ اسحاق ڈار، وزیراعظم کے معاون خصوصی طارق فاطمی اور سیکریٹری خارجہ بھی موجود تھے۔
ملاقات میں فریقین نے خطے میں امن و استحکام کے فروغ کیلیے سفارتی روابط جاری رکھنے اور باہمی تعاون بڑھانے پر زور دیا۔