آصف علی زرداری پانچ روزہ سرکاری دورے پر چین روانہ ہو گئے ہیں۔ روانگی کے موقع پر لاہور ایئرپورٹ پر سردار سلیم حیدر نے صدر مملکت کو الوداع کیا، جبکہ اعلیٰ حکام بھی موجود تھے۔
ذرائع کے مطابق دورے کے دوران صدر زرداری چینی قیادت سے اہم ملاقاتیں کریں گے جن میں دوطرفہ تعلقات، اقتصادی تعاون اور خطے کی صورتحال پر تبادلہ خیال کیا جائے گا۔
یہ دورہ پاکستان اور چین کے درمیان اسٹریٹجک شراکت داری کو مزید مضبوط بنانے کے لیے اہم قرار دیا جا رہا ہے۔