بلوچستان کے علاقے ڈھاڈر میں دہشت گرد حملے کو سیکیورٹی فورسز نے بروقت کارروائی کرتے ہوئے ناکام بنا دیا۔
محکمہ داخلہ بلوچستان کے مطابق واقعے کے دوران کاؤنٹر ٹیررازم ڈیپارٹمنٹ بلوچستان اور پولیس نے فوری ردعمل دیتے ہوئے حملہ آوروں کا مقابلہ کیا۔
معاون محکمہ داخلہ بابر یوسفزئی کے مطابق فائرنگ کے تبادلے میں ایک اہلکار شہید ہوگیا جبکہ جوابی کارروائی میں متعدد دہشت گرد مارے گئے۔
حکام کا کہنا ہے کہ واقعے کے بعد علاقے میں سرچ اور کلیئرنس آپریشن جاری ہے اور سیکیورٹی مزید سخت کر دی گئی ہے۔ انہوں نے کہا کہ شہریوں کے تحفظ کے لیے تمام وسائل بروئے کار لائے جا رہے ہیں۔