معرکۂ حق کی کامیابی کے ایک سال مکمل ہونے پر فیلڈ مارشل سید عاصم منیر نے افواجِ پاکستان اور پوری قوم کو مبارکباد پیش کرتے ہوئے اس تاریخی کامیابی کو قومی اتحاد، قربانی اور پیشہ ورانہ مہارت کا مظہر قرار دیا۔
اس موقع پر چیف آف دی نیول اسٹاف ایڈمرل نوید اشرف اور چیف آف دی ایئر اسٹاف ایئر چیف مارشل ظہیر احمد بابر سدھو نے بھی افسران اور جوانوں کو معرکۂ حق کی تاریخی فتح پر مبارکباد پیش کی۔
افواجِ پاکستان کی جانب سے جاری پیغام میں کہا گیا کہ قومی یکجہتی، احترام اور تشکر کے جذبے کے ساتھ منایا جانے والا یہ دن پیشہ ورانہ مہارت، بہادری اور اتحاد کے پائیدار عزم کا ثبوت ہے۔
پیغام میں اس عزم کا اعادہ بھی کیا گیا کہ مسلح افواج قوم کے تعاون سے ملک کے دفاع، سلامتی اور استحکام کے لیے اپنی ذمہ داریاں پوری کرتی رہیں گی۔