وزیراعظم شہباز شریف نے آئندہ مالی سال کے وفاقی بجٹ سے متعلق اہم اجلاس آج طلب کرلیا ہے۔
ذرائع کے مطابق اجلاس میں بجٹ تیاریوں، حکومتی ترجیحات اور مختلف شعبوں کے لیے مالی وسائل کی تقسیم کا تفصیلی جائزہ لیا جائے گا۔ اجلاس کے دوران مختلف وزارتوں اور ڈویژنز کی جانب سے بجٹ تجاویز بھی پیش کی جائیں گی۔
ذرائع کا کہنا ہے کہ اجلاس میں اہم وزارتوں کی مالی ضروریات پر بھی بریفنگ دی جائے گی، جبکہ آئندہ مالی سال کے بجٹ کی مجموعی حکمت عملی پر غور کیا جائے گا۔
مزید بتایا گیا ہے کہ اجلاس میں بجٹ سے متعلق اہم فیصلوں اور پالیسی ہدایات کا امکان ہے، جن کا مقصد آئندہ مالی سال کے لیے مالیاتی ترجیحات کو حتمی شکل دینا ہے۔