فیڈرل بورڈ آف ریونیو نے ٹیکس دہندگان کو زیادہ سے زیادہ سہولیات فراہم کرنے کے لیے اہم اعلان کیا ہے۔
ایف بی آر کے مطابق ادارے کے تمام ذیلی دفاتر جن میں ایل ٹی اوز، ایم ٹی اوز، سی ٹی اوز اور آر ٹی اوز شامل ہیں، ہفتہ 23 مئی اور اتوار 24 مئی 2026 کو بھی کھلے رہیں گے۔
اعلامیے میں کہا گیا ہے کہ ان دونوں دنوں کے دوران تمام فیلڈ دفاتر معمول کے اوقات کار کے مطابق کام جاری رکھیں گے تاکہ ٹیکس دہندگان اپنے امور بروقت نمٹا سکیں۔
ایف بی آر کا کہنا ہے کہ یہ اقدام ٹیکس سروسز کی فراہمی کو بہتر بنانے، عوامی سہولت بڑھانے اور ٹیکس دہندگان کے لیے آسانی پیدا کرنے کے لیے کیا گیا ہے۔