پاکستان ریلویز نے عید الاضحیٰ کے موقع پر مسافروں کی سہولت کے لیے 3 اسپیشل ٹرینیں چلانے کا فیصلہ کیا ہے، جن میں 7 سے 8 کوچز شامل ہوں گی۔
شیڈول کے مطابق پہلی عید اسپیشل ٹرین 23 مئی کو کوئٹہ سے کراچی کے لیے روانہ ہوگی، جبکہ دوسری ٹرین 24 مئی کو کراچی سے راولپنڈی کے لیے براستہ ملتان، فیصل آباد اور سرگودھا چلے گی۔ اسی طرح تیسری اسپیشل عید ٹرین 25 مئی کو کراچی سے لاہور کے لیے روانہ ہوگی۔
واضح رہے کہ پہلی بار عید کے موقع پر پشاور کو نظر انداز کردیا گیا ہے اور پشاور کے لیے کراچی، لاہور یا کوئٹہ سے کوئی عید ٹرین نہیں چلے گی۔