کراچی کے علاقے شیرشاہ میں خواجہ سرا کے قتل کے کیس میں عدالت نے جرم ثابت ہونے پر ملزم کو عمر قید کی سزا سنا دی ہے۔
ایس ایس پی انویسٹی گیشن کیماڑی مسرور جتوئی کے مطابق، سال 2022 میں ماجد سعید نامی خواجہ سرا کو قتل کر دیا گیا تھا، جس کا مقدمہ تھانہ شیرشاہ میں نامعلوم ملزمان کے خلاف درج تھا۔
واقعے کے بعد کیماڑی انویسٹی گیشن ٹیم نے کارروائی کرتے ہوئے قتل کا معمہ حل کیا اور ملزم محمد نعمان کو گرفتار کیا۔
پولیس کی مؤثر تفتیش اور مضبوط شواہد کی بنیاد پر عدالت نے ملزم محمد نعمان کو عمر قید بامشقت کی سزا سنائی اور اس پر 5 لاکھ روپے جرمانہ بھی عائد کردیا۔