ضلعی انتظامیہ نے مری میں سیاحوں کے بڑھتے رش اور امن و امان کی صورتحال کے پیشِ نظر آج سے 31 مئی تک دفعہ 144 نافذ کردی ہے۔
جاری کردہ نوٹیفکیشن کے مطابق مری مال روڈ پر صرف فیملی سیاحوں کو داخلے کی اجازت ہوگی، جبکہ بیچلر سیاحوں کے داخلے پر پابندی عائد کردی گئی ہے۔
انتظامیہ کا کہنا ہے کہ فیصلے کا مقصد سیاحوں کو محفوظ اور پرامن ماحول فراہم کرنا اور غیر ضروری ہجوم پر قابو پانا ہے۔
حکام نے سیاحوں سے ہدایت کی ہے کہ وہ مری کا سفر کرنے سے قبل نئی پابندیوں اور انتظامات کو مدِنظر رکھیں تاکہ کسی قسم کی پریشانی سے بچا جا سکے۔