آئل اینڈ گیس ریگولیٹری اتھارٹی (اوگرا) نے مئی کے لیے مائع قدرتی گیس (ایل این جی) کی نئی قیمتوں کا اعلان کر دیا ہے جس کے تحت سوئی سدرن اور سوئی ناردرن کے صارفین کے لیے ایل این جی مہنگی کردی گئی ہے۔
اوگرا کے نوٹیفکیشن کے مطابق سوئی سدرن گیس کمپنی کے سسٹم پر ایل این جی کی قیمت میں 3.51 ڈالر فی ایم ایم بی ٹی یو اضافہ کیا گیا ہے جس کے بعد نئی قیمت 16.04 ڈالر فی ایم ایم بی ٹی یو مقرر ہوگئی ہے۔
اسی طرح سوئی ناردرن گیس پائپ لائنز لمیٹڈ کے صارفین کے لیے ایل این جی 3.43 ڈالر فی ایم ایم بی ٹی یو مہنگی کر دی گئی ہے جس کے بعد نئی قیمت 16.98 ڈالر فی ایم ایم بی ٹی یو ہو گئی ہے۔اوگرا کے مطابق نئی قیمتوں کا اطلاق فوری طور پر ہوگا۔