وفاقی دارالحکومت میں تجاوزات کے خاتمے کے لیے بڑے پیمانے پر کارروائی کا فیصلہ کر لیا گیا ہے۔سی ڈی اے ضلعی انتظامیہ اور پولیس پر مشتمل مشترکہ لائحہ عمل تیار کیا جا رہا ہے جبکہ مجوزہ منصوبہ منظوری کے لیے وزارت داخلہ کو ارسال کر دیا گیا ہے۔
ابتدائی مرحلے میں شہر کے مختلف سیکٹرز میں قائم غیر قانونی بستیوں کو ہٹانے کا ہدف مقرر کیا گیا ہے جن میں سیکٹر جی-7، آئی-9 اور مہربانی سمیت دیگر علاقے شامل ہیں۔
منصوبے کے تحت اسلام آباد پولیس، سی ڈی اے انفورسمنٹ ونگ، فرنٹیئر کور اور رینجرز مشترکہ طور پر کارروائی میں حصہ لیں گے تاکہ آپریشن کو مؤثر بنایا جا سکے۔
حکام کے مطابق قابضین کو ایک ماہ کے اندر نوٹسز جاری کیے جائیں گے اور رضاکارانہ طور پر جگہ خالی کرنے کی ہدایت دی جائے گی بصورت دیگر بھاری مشینری کے ذریعے کارروائی عمل میں لائی جائے گی۔